3 வயது குழந்தை பாலியல் பலாத்காரம்… ஓட்டு போடும் நேரத்தில் நாசம் செய்த நபர்..நெடுவாசலில் பரபரப்பு!

ஒரு பக்கம் ஊர்மக்கள் ஓட்டுப்போட்டு கொண்டிருந்த நேரம். 3 வயது குழந்தையை நாசம் செய்துள்ளார் இளைஞர் ஒருவர்!புதுக்கோட்டை மாவட்டம் ஆலங்குடி ஆருகே உள்ளது நெடுவாசல் கிழக்கு கிராமம். இங்கு வசித்து வந்தவர் பாலமுருகன் 32 வயதாகிறது. 10 வருஷத்துக்கு மேல் வெளிநாட்டில் வேலை செய்துவிட்டு சில வருடத்துக்கு முன்புதான் ஊர் திரும்பினார். கல்யாணம் செய்து குழந்தை குட்டியுடன் வாழ்ந்து வருகிறார்.

இந்நிலையில், 30ம் தேதி நெடுவாசல் கிராமத்தில் உள்ளாட்சித் தேர்தல் வாக்குப்பதிவு விறுவிறுப்பாக நடந்து கொண்டிருந்துள்ளது. அப்போது மாலை நேரம் என்பதால், ஓட்டு போடாதவர்களும் விரைந்து ஓட்டு போட சென்று கொண்டிருந்தனர். அந்த சமயத்தில் பாலமுருகன் தன் வீட்டிற்கு அருகில் விளையாடி கொண்டிருந்த 3 வயது குழந்தையை பலாத்காரம் செய்துள்ளார்.. ஊருக்குள் யாருமே இல்லை என்று நினைத்து பாலமுருகன் இவ்வாறு செய்துள்ளதாக தெரிகிறது. ஆனால், அங்கிருந்தோர் இதை பார்த்து கதறி கூச்சலிட்டனர். சத்தம் கேட்டதும் பாலமுருகன் அங்கிருந்து தப்பி ஓடிவிட்டார். உடனே பெற்றோர்கள் புதுக்கோட்டை அரசு ஆஸ்பத்திரிக்கு குழந்தையை தூக்கி கொண்டு ஓடினர்.. அங்கு படுகாயமடைந்துள்ள குழந்தைக்கு தீவிர சிகிச்சை நடந்து வருகிறது.இது சம்பந்தமாக ஆலங்குடி அனைத்து மகளிர் போலீசில் குழந்தையின் பெற்றோர்கள் புகார் தந்ததையடுத்து, பாலமுருனை கைது செய்தனர்.

பின்னர் போக்சோ சட்டத்தின் கீழ்வழக்கு பதிவு செய்த ஆலங்குடி மகளிர் போலீசார் பாலமுருகனை கோர்ட்டில் ஆஜர்படுத்தி ஜெயிலில் அடைத்தனர். ஊருக்குள் பொதுமக்கள் ஓட்டு போடும் சமயத்தை தனக்கு சாதகமாக பயன்படுத்தி கொண்டு, 3 வயது குழந்தையை இளைஞர் சீரழித்த சம்பவம் நெடுவாசலில் பரபரப்பை ஏற்படுத்தியுள்ளது.

Advertisements

Next Post

சன்டிவி "அழகு" சீரியல் நாயகி சுதா மீது சர்ச்சை... நடிகை "ஸ்ரீரெட்டி" பரபரப்பு புகார்..

Thu Jan 2 , 2020
தனது விலையுயர்ந்த காரை சேதப்படுத்தியதாக சீரியல் மேலாளர் உள்ளிட்டோர் மீது காவல்நிலையத்தில் நடிகை ஸ்ரீரெட்டி புகாரளித்துள்ளார். நடிகை ஸ்ரீரெட்டி வாயை திறக்கிறார் என்றாலே அது பிரச்சனையாகதான் இருக்கும். படத்தில் நடிக்க வாய்ப்பு தருவதாக கூறி தமிழ், தெலுங்கு திரையை சேர்ந்த பலரும் தன்னுடன் உடலுறவு கொண்டதாக குற்றம்சாட்டி பரபரப்பை கிளப்பினார். பலர் தன்னை படுக்கைக்கு பயன்படுத்திவிட்டு சாப்பாடு கூட வாங்கிக்கொடுக்காமல் பட்டினி போட்டதாகவும் தெரிவித்து பிரளயத்தை ஏற்படுத்தினார். தமிழ் சினிமா […]

Actress HD Images

%d bloggers like this: