CCD Owner Body: “Café coffee day” அதிபர் சித்தார்த்தாவின் உடல் கண்டெடுப்பு

Advertisements

நேற்று முன்தினம் மாலை திடீரென மாயமான கஃபே காஃபி டே நிறுவனத்தின் அதிபர் வி.ஜி.சித்தார்த்தாவின் உடல் மங்களூருவின் நேத்ராவதி ஆற்றில் இருந்து கண்டெடுக்கப்பட்டுள்ளது.

கர்நாடகா முன்னாள் முதல்வர் எஸ்.எம்.கிருஷ்ணாவின் மருமகனும், பிரபல கஃபே காஃபி டே நிறுவனத்தின் அதிபருமான வி.ஜி.சித்தார்த்தா ஆசியாவிலேயே மிகப்பெரிய தேயிலைத் தோட்டத்திற்கு சொந்தக்காரர் என்ற பெருமையை பெற்றவர். இவரது காஃபி டே நிறுவனம் நாடு முழுவதும் பல நகரங்களில் செயல்பட்டு வருகிறது. மேலும் வெளிநாடுகளிலும் இவரது நிறுவனம் செயல்பட்டு வருகிறது. 

இந்நிலையில் அண்மை காலமாக இவரது நிறுவனத்தில் போதிய லாபம் இன்றி தொழில் நட்டத்தில் செயல்பட்டதாக கூறப்பட்டது. தொழில் ஏற்பட்ட நட்டம் காரணமாக பங்குச் சந்தையில் இவரது நிறுவனத்தின் பங்குகள் தொடர்ந்து வீழ்ச்சியை சந்தித்து வந்தன. இதனால் அவர் மிகுந்த மனஉளைச்சலில் இருந்து வந்ததாக கூறப்படுகிறது. 

இந்நிலையில் நேற்று முன்தினம் மாலை சித்தார்த்தா நேத்ராவதி ஆற்றுப் பாலத்தில் சென்றபோது காரைவிட்டு இறங்கிய அவர், 5 நிமிடத்தில் திரும்பி வருவதாக கூறி நடக்கத் தொடங்கியுள்ளார். ஆனால், நீண்ட நேரமாகியும் அவர் வரவில்லை. இதனால் சந்தேகமடைந்த கார் ஓட்டுநர் குடும்பத்தினருக்கும், காவல் துறையினருக்கும் தகவல் தெரிவித்துள்ளார். 

அதன் அடிப்படையில் பாலத்தில் இருந்து ஆற்றில் குதித்து சித்தார்த்தா தற்கொலை செய்திருக்கலாம் என்ற சந்தேகத்தில் காவல் துறையினர், மீட்புப் படையினர் ஆற்றில் தேடுதல் வேட்டையை தொடங்கினர். நேற்று அதிகாலையில் தொடங்கிய தேடுதல் பணி தொடர்ந்து தீவிரமாக நடைபெற்று வந்த நிலையில், இன்று காலை சித்தார்த்தாவின் நேத்ராவதி ஆற்றில் இருந்து மீட்கப்பட்டுள்ளது. 

Advertisements
Advertisements

Leave a Reply

Your email address will not be published.

This site uses Akismet to reduce spam. Learn how your comment data is processed.

Next Post

ட்ரூகாலர் குறைபாடு! 100மில்லியன் பயனர்களின் தனிப்பட்ட தரவுகளின் கதி என்ன?

Thu Aug 1 , 2019
உலகின் மிகப்பெரிய காலர் ஐடி செயலியான ட்ரூகாலர்-ல் சீட்டா மொபைல் நிறுவனத்தை சேர்ந்த பாதுகாப்பு ஆராய்ச்சியாளர்கள் தனியுரிமை குறைபாட்டை கண்டறிந்துள்ளனர். இந்த குறைபாட்டின் காரணமாக நூறு மில்லியனுக்கும் மேற்பட்ட பயனர்களின் தனிப்பட்ட தகவல்கள் ஆபத்தில் உள்ளன. சீட்டா மொபைல் நிறுவனம் அதன் அறிக்கையில் இதுகுறித்து கூறுகையில், ட்ரூகாலர் அதன் பயனர்களுக்கு அடையாளங்களை ஒதுக்குவதற்கு அவர்களது சாதனத்தின் IMEI எண்ணை பயன்படுத்துகிறது. அதாவது ஒரு மொபைல் சாதனத்தின் IMEI எண்ணை அணுக […]
%d bloggers like this: