Google அடித்த அபாய மணி: சீனாவிலிருந்து அடுத்த பிரச்னை..!!யோசிக்காம இதையெல்லாம் அன்இன்ஸ்டால் செய்யவும்…

சர்வர்கள், கம்யூட்டர்கள், ஸ்மார்ட்போன்களை தாக்கி செயலிழக்கச் செய்யவும், தகவல்களை திருடவும் மால்வேர் எனப்படும் நாசவேலை செய்யும் சாஃப்ட்வேர்கள் உருவாக்கப்படுகின்றன. எடுத்துக்காட்டாக ஒன்றை சொல்லலாம், செக்கோஸ்லோவேயா நாட்டில் ஏராளமானோரின் வங்கிக் கணக்குகளில் தன்னிச்சையாக பணம் குறைந்துவந்ததை அடுத்து, அதன் பின்னணியில் ஸ்ட்ராண்ட்ஹாக் (StrandHogg) மால்வேரின் கைவரிசை இருப்பது கண்டுபிடிக்கப்பட்டது. ஆண்ட்ராய்டு ஸ்மார்ட்போன் பயனாளர்களின் அந்தரங்க தகவல்கள், வங்கி கணக்கு விவரங்களை திருடும் புதிய ஸ்ட்ராண்ட்ஹாக் (StrandHogg) மால்வேரிடம் இருந்து எச்சரிக்கையாக இருக்கும்படி மத்திய உள்துறை அமைச்சகம் அறிவுறுத்தியது.

குறிப்பாக ஆண்ட்ராய்டு ஸ்மார்ட்போன்களை தாக்கும் வகையில் வடிவமைக்கப்பட்டுள்ள இந்த மால்வேர், ஆண்ட்ராய்டின் அனைத்து பதிப்புகளிலும் பாதிப்பை ஏற்படுத்துகிறது. ஸ்மார்ட்போன்களில் ஏற்கனவே பதிவிறக்கம் செய்து நாம் பயன்படுத்திவரும் சுமார் 500 ஆப்களை இந்த மால்வேர் தாக்கி தகவல்களை திருடிவருகிறது.

போட்டோ, வீடியோ, மைக் வசதிகளை தங்கள் கட்டுப்பாட்டிற்குள் கொண்டுவரும் ஸ்ட்ராண்ட்ஹாக் மால்வேர், நமது அந்தரங்க தகவல்களை திருடவும், ஒட்டுக் கேட்கவும் ஹேக்கர்களுக்கு உதவுகிறது. இதுபோன்ற மால்வேர்கள் கொண்ட ஆப்கள் சீனாவில் தயாரிக்கப்பட்டு இந்தியாவில் வளம் வருகிறது. பயனர்களின் தகவல்களை சேகரித்து சீனாவில் உள்ள சர்வர்களுக்கு அனுப்பும் வகையிலான மால்வேர்கள் கீழே வழங்கப்பட்டுள்ள செயலியில் உள்ளதாக கூறி கூகுள் அது அனைத்தையும் ப்ளே ஸ்டோரில் இருந்து நீக்கியுள்ளது.

சுமார் 382 மில்லியன் பேர் டவுன்வோட் செய்துள்ள ஆப்களில் இந்த மால்வேர் இருப்பதை விபிஎன் ப்ரோ வலைப்பதிவு கண்டறிந்துள்ளது. இதில் பெரும்பாலான ஆப்கள் சீன நிறுவனமான ஷென்ஜென் எச்.டபிள்யு.கே என்ற சீன நிறுவனம் அறிமுகப்படுத்தியவை.

இந்த ஆப்களுக்குள் உள்ளே நுழையும் போது பெர்மிஷன் அக்சப்ட் என்ற வார்த்தை கேட்கும் அதை என்னவென்று படிக்காமலே நாம் டிக் அடித்து அக்சப்ட் செய்து விடுவோம். ஆனால் இந்த பெர்மிஷன் கேட்கும் இடத்தின் சில வற்றில் மால்வேர் மற்றும் ரோக்வேர் கூட இருந்தது என தெரிவிக்கப்படுகிறது.

இந்த ஆப்களானது போன்களில் உள்ள சிக்கல்களை கண்டறிவது போல் அனைத்து ஆப்களிலும் நம்மிடம் அனுமதி வாங்கியே ஊடுருவும் என்றும் தெரிவிக்கப்படுகிறது. முதலில் இலவச ட்ரையல் போல் செயல்பட்டு பின்னர் நம்மிடம் பணம் வாங்கியும் இந்த ஆப்கள் இயக்கப்படுகிறது என அதிர்ச்சி தகவல் வெளியிடப்பட்டுள்ளது.

லேசர் பிரேக் (Laser Break): எந்தெந்த ஆப்களை அன்இன்ஸ்டால் செய்ய வேண்டும் என்று பார்க்கலாம். பஸில் பாக்ஸ் (Puzzle Box), வேர்ல்ட் க்ராஸி! (Word Crossy!), சாக்கர் பின்பால் (Soccer Pinball) ,டிக் இட் (Dig it), லேசர் பிரேக் (Laser Break)

பைல் மேனேஜர் (File Manager): வேர்ல்ட் ஜூ (world zoo), வேர்ட் க்ரஷ் (Word Crush),ம்யசிக் ரோம் (Music Roam), பைல் மேனேஜர் (File Manager), சவுண்ட் ரெகார்டர் (Sound Recorder), ஜாய் லாஞ்சர் (Joy Launcher), டர்போ ப்ரவுஸர் (Turbo Browser)

செல்பீ கேமரா (Candy Selfie Camera): வெதர் போர்காஸ்ட் (Weather Forecast), கேலண்டர் லைட் (Calendar Lite), கேண்டி செல்பீ கேமரா (Candy Selfie Camera), பிரைவேட் ப்ரவுஸர் (Private Browser), சூப்பர் கிளீனர் (Super Cleaner), சூப்பர் பேட்டரி (Super Battery)

அன்இன்ஸ்டால் செய்துவிடுவது நல்லது: வைரஸ் கிளீனர் 2019 (Virus Cleaner 2019), ஹை செக்யூரிட்டி (Hi Security 2019), ஹை விபிஎன், ப்ரீ விபிஎன் (Hi VPN, Free VPN), ஹை விபிஎன் ப்ரோ (Hi VPN Pro), நெட் மாஸ்டர் (Net Master),கேண்டி கேலரி (Candy Gallery) ஆகிய ஆப்களை அன்இன்ஸ்டால் செய்துவிடுவது நல்லது.

Advertisements

Next Post

தனுஷின் D40 அப்டேட் வந்துடுச்சு.. அந்த டைட்டிலா இருக்குமா?

Mon Feb 10 , 2020
தனுஷின் டி40 படத்தின் ஃபர்ஸ்ட் லுக் மற்றும் மோஷன் போஸ்டர் ரிலீஸ் ஆகும் தேதி அறிவிக்கப்பட்டுள்ளது. கார்த்திக் சுப்புராஜ் இயக்கத்தில் தனுஷ், ஐஸ்வர்யா லட்சுமி, சஞ்சனா நடராஜன் நடிப்பில் உருவாகி உள்ள டி40 படம் விரைவில் திரைக்கு வரவிருக்கிறது. காலை முதலே தனுஷ் ரசிகர்கள், #D40FirstLookUpdate ஹாஷ்டேக்கை உருவாக்கி இந்த அப்டேட்டுக்காகத் தான் காத்திருந்தனர். தற்போது, அந்த அறிவிப்பு வெளியாகி உள்ளது. வரும் பிப்ரவரி 19ம் தேதி டி40 படத்தின் […]

Actress HD Images

Advertisements