இந்தியாவில் ரூ.69,999/-க்கு அறிமுகமானது சாம்சங் கேலக்ஸி நோட் 10; Note 10 Plus-ன் விலை என்ன?

சமீபத்தில் அறிமுகமான சாம்சங் நிறுவனத்தின் கேலக்ஸி நோட் 10 மற்றும் கேலக்ஸி நோட் 10 பிளஸ் ஸ்மார்ட்போன்கள், இன்று அதன் இந்திய அறிமுகத்தை நிகழ்த்தியுள்ளது. 
லேட்டஸ்ட் கருத்துகள்அம்சங்களையும், விலை நிர்ணயத்தையும் பார்த்தால் இம்முறை சாம்சங் தனது வெற்றியை தக்கவைத்துக்கொள்ளும் என்பது போல் தான் தெரிகிறது.rubyஅனைத்து கருத்துகளையும் பார்க்ககருத்தை எழுதவும்
முதன்முறையாக இரண்டு தனித்துவமான மெமரி வேரியண்ட்கள், முதன் முறையாக புதிய SoC பயன்பாடு, முன் மற்றும் பின்புக்கத்தில் ஒரே மாதிரியான கேமரா அமைப்பு, Near-full screen டிஸ்பிளே போன்ற பிரதான அம்சங்களை கொண்டுள்ளன. இதன் இந்திய விலை நிர்ணயம் என்ன? மற்ற அம்சங்கள் என்னென்ன? என்பதை பற்றி அறிய தொடர்ந்து படிக்கவும். 

இந்திய விலை நிர்ணயம்:

இன்று இந்திய அறிமுகத்தை சந்தித்துள்ள சாம்சங் Galaxy Note 10 தொடரின் விலை நிர்ணயத்தை பொறுத்தவரை: சாம்சங் கேலக்ஸி நோட் 10 ஸ்மார்ட்போன் ஆனது ரூ.69,999/-க்கும், மறுகையில் உள்ள நோட் 10 பிளஸ் ஸ்மார்ட்போனின் 256 GB மாடல் ஆனது ரூ.79,999/-க்கும் மற்றும் அதன் 512 GB மாடல் ஆனது ரூ.89,999/-க்கும் வாங்க கிடைக்கும். 

ப்ராசஸர்:

மேற்க்கூறியபடி, கேலக்ஸி நோட் 10 ஸ்மார்ட்போன்கள் ஆனது புதிய Exynos 9825 கொண்டு இயக்கப்படுகிறது, இது செயல்திறனை அதிகரிக்க உதவும் புதிய 7nm E xtreme Ultraviolet Lithography செயல்முறையை பயன்படுத்தும் என்பது குறிப்பிடத்தக்கது. 

மெமரி வேரியண்ட்:

வேரியண்ட்களைப் பொறுத்தவரை, Galaxy Note 10 ஆனது 4ஜி திறன் கொண்ட 8GB RAM மற்றும் 256GB மாடாலகாவும், 5ஜி திறன் கொண்ட 12GB RAM மற்றும் 256GB மாடலாகவும் வெளியாகியுள்ளது. மறுகையில் உள்ள Galaxy Note 10 Plus ஆனது நிலையான 12GB RAM உடனான 256GB மற்றும் 512GB மாடல்களின் கீழ் வெளியாகியுள்ளது. இந்த இரண்டு ஸ்மார்ட்போன்களுமே, மேம்பட்ட செயல்பாடுகளை உள்ளடக்கிய ஒரு SamsungS-Pen உடன் வாங்க கிடைக்கும். 

டிஸ்பிளே:

சாம்சங் கேலக்ஸி நோட் 10 ஆனது Dynamic AMOLED panel 19: 9 என்கிற அளவிலான திரை விகிதம் கொண்ட 6.3 இன்ச் அளவிலான முழு எச்டி+ டிஸ்ப்ளேவை கொண்டுள்ளது. கேலக்ஸி நோட் 10 பிளஸ் ஆனது 6.8 இன்ச் அளவிலான Quad HD+ dynamic AMOLED டிஸ்பிளேவை கொண்டுள்ளது. இரண்டு ஸ்மார்ட்போன்களுமே HDR10+ சான்றிதழையும் மற்றும் முன்பக்கத்தில் செல்பீ கேமராவிற்கான Punch-hole moduleகளையும் கொண்டுள்ளன. 

கேமரா:

கேலக்ஸி நோட் 10 மற்றும் நோட் 10 பிளஸ் ஆகிய இரண்டுமே ஒற்றை முன்பக்க கேமராவை கொண்டுள்ளன. அவைகள் மேற்புற டிஸ்பிளேவின் மையத்தில், மெல்லிய பெஸல்களின் உள்ளே உட்பொதிக்கப்பட்டுள்ளன. பின்புறத்தில், கேலக்ஸி நோட் 10 ஆனது ஒரு ட்ரிபிள் கேமரா அமைப்பை கொண்டுள்ளது. Optical stabilisation மற்றும் f/1.5 – 2.4 என்கிற அளவிலான Variable aperture-ஐ கொண்ட 12MP Dual-phase detection ஆனது முதன்மை கேமராகவும், f/2.2 உடனான 16MP Ultra-wide angle லென்ஸ் ஆனது இரண்டாம் நிலை கேமராகவும் f/2.1 உடனான 12MP Telephoto லென்ஸ் ஆனது மூன்றாம் நிலை கேமராகவும் உள்ளது. மறுகையில் உள்ள Galaxy Note 10 Plus-ல் கூடுதலாக ஒரு 0.3MP அளவிலான DepthVision கேமரா இடம்பெற்றுள்ளது. இந்த கேமரா Augmented reality அம்சங்களை ஒருங்கிணைக்கும் என்பது குறிப்பிடத்தக்கது. 

இதர அம்சங்கள்: 

இரண்டு ஸ்மார்ட்போன்களுமே 4ஜி வேரியண்ட்டிற்கான இரட்டை சிம் ஆதரவை கொண்டுள்ளன. நோட் 10 பிளஸ் மாடலில் ஹைப்ரிட் மெமரி கார்டு ஸ்லாட் உள்ளது. பேட்டரித் துறையை பொறுத்தவரை, நோட் 10 ஆனது 3,500 எம்ஏஎச் பேட்டரி மூலமும் நோட் 10 பிளஸ் ஆனது 4,300 எம்ஏஎச் பேட்டரி மூலமும் சக்தியூட்டப்படும். இரண்டுமே 45W ஃபாஸ்ட் சார்ஜிங் ஆதரவுவை கொண்டுள்ளது என்பதும் இன்-பாக்ஸில் உள்ள சார்ஜிங் அடாப்டர் ஆனது 25W திறனை மட்டுமே கொண்டுள்ளது என்பதும் குறிப்பிடத்தக்கது. 

Advertisements

Next Post

மோசமாக நடந்து கொண்ட தர்ஷன் | இந்த வாரம் வெளியே ? | Tharshan Evicted

Wed Aug 21 , 2019
Advertisements
%d bloggers like this: